29 May 2013

ගින්නට පැනීම , සස ජාතකය සහ ඇත්ත.



වෙසක් සතිය ගෙවීගෙන යන මේ මොහොතේ  බුදු චරිතයට අදාළ පුංචි කථාවක් හෝ නොලිවහොත්  එය  මදි කමකි  . මේ දිනවල සිදුවූ  හිමි නමගේ ජිවිත පුජාවත් සමගම  එය බෝධිසත්ව චරිත කතා වලට සමාන කිරීමට උත්සහ කරන පිරිසකුත් මට දැක ගන්නට ලැබුණි  . 

බෝධිසත්ව ජාතක කතා ගෙන හැර දැක්වුවහොත් බෝධිසත්වයන් ජීවිතය දන්දුන්  අවස්ථා කිහිපයක් තිබේ . එහෙත් ඒ එකක්වත් වර්තාමානයේ මේ හිමිනමගේ  ක්‍රියා කලාපය හා සැසදීමට නොහැක. බෝධිසත්වයන්ගේ දන්දීම සහ හිමිනමගේ ජිවිත හානිකරගැනීම සංසන්දනය කිරීමට යෑමෙන් සිදුවන්නේ ඒ අපවත්වූ හිමිනමගේ චරිතයට තව තවත් හානි වීම පමණි. එම ක්‍රියාවේ නුගුණ ලියමින් හිමිනමට තව දුරටත් නින්දා කිරීම යුතු නොවන බැවින් එම හිමි නමගේ ගිනි පුජාව සමාන කරන බෝධිසත්ව චරිත කිහිපය අතරින් සස ජාතකය ගැන පමණක්  මම ලියමි .

යට ගිය දවසක  බරණැස්නුවර බ්‍රහ්මදත්ත නම් රජ කෙනෙක් රාජ්‍ය කරන කාලයේ එක වනයක  වඳුරෙක්, සිවලෙක් මස්කාවෙක් සහ සාවෙක් ද ඉතා මිතුරුව  ජීවත්වීය . අනෙක් සතුන්ට වඩා මේ සාවා නුවණැත්තෙක් බැවින් අනෙක් තිදෙනා  ඔහුව හදුන්වා ඇත්තේ සස පණ්ඩිත යනුවෙනුයි. මේ සස සාවද දිනපතා ආහාර ගැනීමෙන් පසුව තම මිතුරු සත්වයන්  තිදෙනාට අවවාද අනුසාසනා කරන එක පුරුද්දක් කරගෙන තිබෙනවා .

 දිනක් මේ සිව් දෙනා සිටින විට පොහෝ දිනට පෙර දිනෙක රාත්‍රියේ  පිරුන හඳ දැක  ඉන් පසුව සස පණ්ඩිතයෝ විසින් අනෙක් මිතුරන්ට මෙසේ පවසන්නට විය .”හෙට පොහොය දිනය ඒ  බැවින් අප සීල් සමාදන් විය යුතුයි  . සිල්වත් ව සිට දෙන දානයන් හි විපාක බලවත් . එබැවින් කවරෙක් හෝ යාචකයෙක් හෙට දින  ඔබලා අසලට පැමිණියහොත්  ඔබලා අනුභව  කරන දෙයින් යමක් දෙන්න”  මිතුරෝද සස පණ්ඩිතයන්ගේ අවවාද පිළිගෙන පිට විය .

පසුදින උදෑසන මස්කාව කෑම සොයාගෙන යද්දී . වැද්දෙක් විසින් දඩයම් කර අමතකව දමාගිය මසුන් කිහප දෙනෙක් දැක එය රැගෙන තම නවාතැනට ඇවිත් . පසුව ආහාරයට ගැනීමට සිතාගනිමින් පැත්තකින් තබා ශිලය රකිමින් සිටින්නට විය .

(මස්කාව /දියබල්ලා )


මේ අතර සිවලාද එසේම කෑම සොයා යන අතරේ ගොවි නිවෙසක් අසල දමා ගොස් තිබු වේලු තලගොයි මාංශයන් දැක එයට හිමිකරුවෙකු  සොයා නැති බැවින් තම නවා තැනට ගෙනැවිත් පසුව ආහාරයට ගැනීමට සිතා  පසෙකින් තබා ශිලය ආරක්ෂා කරමින් සිටින්නට විය , මේ අතර වදුරාද මී අඹ වල්ලක් සොයා ගෙනැවිත් එලෙසම පසෙක තබා භාවනාවේ යෙදෙන්නට විය  ..

මේහෙම මිතුරු සත්‍වයෝ භාවනාවේ යෙදෙන අතර සස පණ්ඩිතයෝ හෙවත් සාව ද බඩගිනිවූ විට ගොස් හී තණ කනවා යැයි සිතාගෙන සිල් සිහි කරමින් වැදගෙන ගෙන සිටින්නට විය  . එහෙත් ඒ අතරේ ඔහුට සිහිවන්නේ මෙසේ සිටින අතරේ වෙන කිසිවෙක් ආහාරයක් සොයා තමන් වෙත පැමිණියහොත් ඔහුට දීමට දෙයක් නොමැති බවයි. 

එසේ පැමිනෙන්නෙක් හට හී තණ දීමටද නොහැක එසේනම් මා ඔහුට පිළිගන්වන්නේ කුමක්දැයි සිතමින් සිටින හාවට පහල වන්නේ අමුතුම අදහසකි . අද කිසිවෙක් ආහාර සොයාගෙන මාවෙත ආවොත් කිසිවෙකු නොදෙන විදිහේ දානයක් මා ඔහුට පිළිගන්වමී.. මා මාගේ ශරීරයේ මාංශ ඔහුට අනුභවයට ලබා දෙමී .. මෙසේ සිතු සස පණ්ඩිතයෝ දිගටම ශිලය රකින්නට විය .

මොවුන්ගේ මෙම ශීලයේ බලය ශක්‍ර දේවේන්ද්‍රයාටද දැනෙන්නට විය . මොවුන්ගේ ශිලය පරික්ෂා කර බැලීමට සිතු ශක්‍රයෝ බමුනෙක්ගේ වෙස් ගෙන වනයට ආහ ...

එසේ පැමිණි බමුණා මුලින්ම මස්කාව අසලට ගොස් කෑමට යමක් අයද සිටියේය .. මස්කාවාද ඔහු රැගෙන විත් තිබු ආහාරය බමුණාට පිළිගැන්වුහ . බමුණා එය එතැනම තබා නැවත රැගෙන යාමට එනබව පවසා ගියේය ..එසේම නරිය අසලට සහ වදුරා අසලටත් ගොස් ඔවුන් දුන් දෑ නැවතත් එතනම තබා නැවත එනබව පවසා අවසානයේ සාවා ලගට ගොස් ආහාරයක් අයැදුවේය..

බමුණා දුටු සස පණ්ඩිතයෝ ඉතා සතුටට පත්වී මෙසේ කිවේය “ මාගේ බලාපොරොත්තුව මුදුන් පමුණුවා ගැනීමට ඔබගේ පැමිණීම ඉතාම උතුම්ය  කිසිවෙකු නොදුන් ආකාරයේ දනක් මම අද නුබට දෙමි , මෙතන ගිනි මැලයක් ගසන්න මම එයට පැන  මා පිළිස්සුනු පසු ඔබට මාගේ මාංශය අනුභව කල හැකිය යි කිවේය ...

බමුණු වෙස් ගෙන සිටින ශක්‍රයා ඒ අසල ගින්නක් මවා සාවාට ගින්නක් දල්වා ඇති බව කිවේය .  සාවාද නැගිට ඇවිත් ශරීරයේ වසා ඇති සතුන් පලවා හැර සතුටු සිතින් ගින්නට පැන්නේය ..

එහෙත් ඒ ගින්නෙන් සස පණ්ඩිතයන්ගේ ශරීරයේ ලෝමයකටවත් හානියක් වුයේ නැහැ පිළිස්සෙනවා වෙනුවට ඔහුගේ ශරීරය සිසිල් විය . එවිට සස පණ්ඩිතයන් බමුණා අමතා මේ ගින්න සිසිල්ය ඒ මන්දැයි ඇසුවේය ..

එයට පිළිතුරු දුන් ශක්‍රයන් සස පණ්ඩිතයානනි මම බමුණෙක් නොවෙමි . මම සක්‍ර දෙවෙන්ද්‍රයායි නුබලාගේ ශිලය පරික්ෂා කිරීම පිණිස මෙහි ආවෙමියි කිවේය ..



පසුව ශක්‍රයන් සස පණ්ඩිතයන්ගේ මෙම දානමය ශිලය නිසා පැහැදී මේ මුළු බද්‍ර කල්පය පුරා සියල්ලටම පෙනෙන පරිදි චන්ද්‍ර මණ්ඩලයෙහි සස රූපය ඇඳ සස පණ්ඩිතයන් වඩා ගෙනඇවිත්  ඒ වනයේ අලුත් හීතණ පලසක් මතින් තබා  පිටව ගියේය ..


දැන්  බලමු ප්‍රයෝගිකව මේ සිදුවීම් විය හැකිද කියලා ....


එදා සිට අද වෙනතුරුත් චන්ද්‍ර මණ්ඩලයෙහි අප දකින සා සලකුණ සස පණ්ඩිතයන්ගේ රූපය බවයි පැවසෙන්නේ එහෙත් පසු කලකදී සොයාගනු ලැබුවේ ශක්‍රයා විසින් හදේ ඇද ඇති රුපයක් නොමැති බව සහ ඒ උල්කාපාත වැටීමෙන් ඇතිවූ සලකුණක් බවයි ..

එහෙත් ජාතක කතාවක සත්‍ය අසත්‍ය සෙවීම අනුවන කමකි . බුදුන් දෙසුවේ පරම සත්‍ය බැවින් සදේ සස රූපය ඇන්දේ සක්‍රයා නොවේයැයි කාටවත් තර්ක කිරීමටද නොහැක..

සමහර විට විනාශ වෙමින් නැවත නිර්මාණය වෙමින් පැවතෙන මේ ලෝ තලයේ චන්ද්‍රයන් වෙනස් වීමට බැරි කමක්ද නැත. ඒ නැතත් තවමත් දිස්වන උල්කාපාත සා රුපය නිර්මාණයක් වීමටද බැරි කමක් නැත.. සදට උල්කාපාත කිහිපයක් වැට්ටවීමට ශක්‍ර දෙවියන්ට  නොහැකියැයි කිවහැක්කේද ...

ඒ හැරුණු කොට මෙය මහා බද්‍ර කල්පයේ සිදුව ඇති දෙයක් බැවින් ඒකල සිටි සත්වයන් සත්වයන් අතර හා සත්වයන් මනුෂ්‍යන් අතර අදහස් හුවමාරු කරගැනීමේ හැකියාව නොතිබුනා යැයිද කීමට නොහැක . එක් පුරාන කථාවක කියවෙන පරිදි මන්ත්‍රී දේවියගේ ශාපය නිසා සතුන්ට කතාකිරීමට නොහැකි වුනායයි පැවසීමද එයට එක් උදාහරණයකි .

මෙසේ එකින් එකට සමාන ලක්‍ෂණ සහිත ජාතක කතාවලින් වර්තමානයේ මනුෂ්‍යාව සිතාගන්නටවත් නොහැකි අමුතුම සුරංගනා ලෝකෙකට ගෙන ගියත් මෙයිට කල්ප කාලාන්තරයකට පෙර මේ ලෝකයේ මෙවැනි දේවල් ඇත්තටම සිදුනොවුනා යැයි අපට කිව නොහැක.  මක්නිසාද යත් භද්‍ර කල්පවල වෙනත් කාල ප්‍රාන්ත වලදී සිදුවූ දේවල් තේරුම් ගැනීමට තරම් අපගේ මනස මෝරා නොමැත . ඒ හැර අප වෙන කුමක් සිතන්නද මේ රාමුවෙන් පිට සිතන්නටවත් අපගේ මනස මෝරා නොමැත.




26 May 2013

ඉන්ද්‍ර රතන හිමිගේ ගිනි පූජාව.. ගව ඝාතනය සහ සත්ව ඝාතනය




ගව ඝාතනයට විරුද්ධව  දළදා මාලිගාව ඉදිරි පිටදී  ශරීරයට හිනි තබාගෙන අපවත්වූ ඉන්ද්‍ර රතන  හිමියන්ට ප්‍රථමයෙන්ම නිවන් සුව ප්‍රර්ථනා කරන අතර එම සිදුවීම සැලසුම් ගතව පටිගත කර මාධ්‍යාට ලබාදුන් සුවර්ණවාහිනි නාලිකාවටද එකසේ ස්තුතිය පුදකළ යුතුයි .

බෞද්ධ ආගමිකයන් අන්‍යාගම් වලට හැරවීම නැවැත්විමටත් සව ඝාතනය නැවැත්වීමත් යන කාරණා දෙක මුලික කරගෙන ඒ වෙනුවෙන් ජීවිතය දානය කල ඉන්ද්‍රසාර ගිමියන් මෙයින් බලාපොරොත්තු වන දෙය කොයිතරම් දුරට සාර්ථකද සාධාරණද යන්නෙහි ගැටලුවක් පැනනැගී ඇත .

ඉන්ද්‍ර රතන  හිමියන් පවසන ප්‍රථම කාරණය ගෙන බැලුවහොත් අන්‍යාගම් අවලට හැරවීම කියන කාරණය , එතැනදී මනුෂ්‍යන්ට තමන් කැමති ආගමක් වැලද ගැනීමට හෝ ඇදහීමට නිදහස තිබිය යුතුයි ලංකාව තුල ඒ නිදහස තිබෙන බැවින් ඒ සදහා බලකිරීමක් කරනවායයි කීම පිළිගත හැකි කාරණයක් නොවේ . බෞද්ධ යෙක් හෝ කුමන ආගමිකයෙක් වේවා ඔහු කැමතිනම් වෙනත් ආගමක් වැලද ගැනීම ඔහුගේ කැමැත්තයි එකට විරුද්ධ වෙන එක නිෂ්පලයි.


දෙවැනි මෙන්ම ප්‍රධාන කාරණය වන ගව ඝාතනය, මෙතැනදී දකින ප්‍රධාන වරදනම් ඇයි ගව ඝාතනයට පමණක් විරුද්ධ වන්නේ . විරුද්ධ විය යුතුනම් විරුද්ධ විය යුත්තේ සියලුම සත්ව ඝාතනයන්ටය,  ගව ඝාතනයට පමණක් විරුද්ධවන බෞධ්දයන් දකින විට ඇතිවන්නේ හාස්‍යක්.

සිංහල බොදුනුවන් බොහෝ විට තර්ක කරන්නේ ගව ඝාතනය හෝ සත්ව ඝාතනය සිදු කිරීමට අන්‍ය ආගම් වලින් අනුබල දෙනාවායයි කියන කාරණය. මා දන්නා අන්දමින් කිසිම ආගමකින් සත්ව ඝාතන වලට අනුබල දීම් සිදුකර නැහැ පසුකලකදී ඇතිවූ වෙනස්වීම් හැරෙන්නට . එහෙත් සමහර ආගම් වලින් සත්ව ඝාතන නොකරන්න කියා ද  සදහන් කර නැහැ.  එයටද හේතුවන කරුණු තිබේ.

බෞද්ධ ධර්මය හැරුනුවිට අනෙක් බොහොමයක් ආගම්වල මුලාරම්භය ඇතිවී තිබෙන්නේ යුරෝපය ,පලස්තීනය ,අරාබිය, වැනි රටවලින් අතීතයේ එවැනි බොහෝ රටවල ප්‍රධාන ආදායම් මාර්ග වුයේ සතුන්, ලෝකයේ සියලුම ප්‍රදේශ කෘෂිකර්මාන්තයට සාර්ථක වුයේ නැහැ , එබැවින් ඒ රටවල මිනිසුන්ගේ ආහාර අවශ්‍යතාවයන් වලට සරිලන අන්දමින් ඵළ බෝග වගාකරගැනීම සාර්ථක නොවන බැවින් සත්ව මාංශ ප්‍රධාන ආහාරයක් බවට පත්වී තිබෙනවා . ඒ බැවින් එවැනි පසුබිමක් සහිතව නිර්මාණයවූ ආගම්වලට සත්ව මාංශ අනුභව කිරීම වරදක් විදියට දක්වා නැත . වරද ඇත්තේ නොයෙක් නොයෙක් ආගම් අදහන්නක් එකම රටක් තුල ජීවත්වීමේදී  අනෙකාගේ චර්යාවන් වලට සංවේදී නොවීමයි...

තත්වය එසේ තිබේදී ඉන්ද්‍ර රතන  හිමියන් දිවි පුදකිරීම කොයිතරම් දුරට සාධාරනදැයි නොදනිමි . නියපිට රැදී පස් පිඩක්මෙන් බොහෝ කලාතුරකින් ලබන මනුෂ්‍ය ආත්මය විනාශ කරගැනීම එයිටත් වඩා පාපයක් බව චීවර දාරීන් නොසැලකීම එයිටත් වඩා කනගාටුවට කරුණකි.

ලංකාව තුල මනුෂ්‍යන්ට ආහාර සදහා ධාන්‍යාගාරය ප්‍රමානවත්නම් ගව ඝාතනය පමණක්ම නොව සියලු සතුන් ඝාතනය ද තහනම් කලාට වරදක් නැත . මක්නිසාදයත් ජීවත්වීමේ අයිතිය ගවයාට පමණක්ම නොව අනෙක් සතුන්ටද ලැබිය යුතුය . පව් සිදුවන්නේ ගව ඝාතනය නිසා පමණක්ම නොව කුමන සත්වයෙකුගේ හෝ   ජීවත්වීමේ අයිතිය උදුරා ගැනිම පාපයකි . එහෙත් ඇයි තවමත් ගවයන්ට පමණක් විශේෂයක් ????

20 May 2013

ලෝක කාන්තා සමුළුව “මින් මත්තට මම තමුසෙගෙරෙදි හෝදන්නේ නැහැ…"


ඔන්න එකමත්එක කාලෙක තිබුනලු ලෝක කාන්තා මහා සමුළුවක්මේක අවුරුද්දක් අවුරුද්දක්ගානේ වරද්දන්නේ නැතිව පවත්වගෙන යන එකක්ලු හොඳේමේ කතාවට අදාල සමුළුව නම් පැවැත්වුනේ මේ දවස් වල වැඩිපුරම කතා බහට ලක් වෙන ස්විට්සර් ලන්තේ ජිනීවා නුවරලු

කොහොමින් කොහොම හරි න්‍යාය පත්‍රයට  අනුව සමුළුව පටන් අරගෙන ඉස් ඉස්සෙල්ලාම තිබුනේපසුගිය සමුළු වාරයේදී සම්මත කරගත්ත යෝජනා ක්‍රියාත්මක වීම පිලිබඳව ප්‍රගතිය සමාලෝචනය කිරීමලු. ඔන්න ඉතිං මූලාසනයේ හිටපු සභාපතිනිය, ඒ කියන්නේ ස්විට්සර්ලන්තේ කාන්තා අයිතීන් පිළිබඳ නියෝජිත වරිය වැඩේ පටං ගත්තලු

හොඳයි අපිට අද මුලින්ම කරන්න තියෙන්නේ පසුගිය සභා වාරයේදී සම්මත කරගත්ත යෝජනා සහ ඒවා ක්‍රියාත්මක කල ආකාරය ගැන සාකච්ඡා කිරීමයි. ඒ කතිකාවතේ හැටියට පසුගිය යෝජනා වල තිබුණු අඩුපාඩු සහ අළුතින් කල යුතු කාර්යයන් පිළිබඳව අදහසක් ගන්න පුළුවන් වේවි. 

අපි ගියවර සම්මත කරගත්ත යෝජනා වල මුලින්ම තිබුනේ තමුන්ගේවැඩ වලින්කොටසක් පුරුෂයාට පැවරිය යුතුයියන්නයි. මම මේ පිළිබඳව මුලින්මඅදහස් දක්වන්න කියලා ආරාධනා කරනවා අපේ ඇමරිකානු නියොජිත වරියට.

සභාවේඋණුසුම් පිළිගැනීමත් එක්කම සෑහෙන අත්පුඩි ගානකුත් වැදුනට පස්සේ ඇමරිකන්නියෝජිත වරිය නැගිටලා ගියාලු ප්‍රධාන වේදිකාවට, බොහොම ආඩම්බරෙන්තමන් අර කියපු යෝජනාව ක්‍රියාත්මක කරපු හැටි ගැන දැන් මේ උන්දෑ දේශනා කරනවලු

මම එදා ගෙදර ගිය ගමන් මගේ මහත්තයට කිවුවා… “මින් මත්තට මම තමුසෙගෙරෙදි හෝදන්නේ නැහැකොහොම හරි කරලා තමුසෙගේ රෙදි ටික තමුසෙම හෝද ගන්නවා!! කියලා…. 

හැබැයිමට පළවෙනි දවසෙ නම් මොකවත් අමුත්තක් පෙනුනේ නැහැදෙවෙනි දවසෙත් කිසි දෙයක් පෙනුනේ නැහැඒත් තුන් වෙනි දවසේ මම දැක්කා මහත්තයා එයාගෙරෙදි ටිකයි මගේ රෙදි ටිකයි ඔක්කොම එකතු කරගෙන තනියම හෝදනවාඉතිං හැමෝටම මේ වගේ පුරුෂාධීපත්‍යයට යට වෙන්නේ නැතිව ඉන්න පුළුවන් කම ලැබෙන්න ඇති කියලා මමහිතනවා…“

මෙහෙම කියපු ඇමරිකන් නෝනට සෑහෙන ප්‍රතිචාරයක් ලැබුනලු සභාවෙන්ඊළඟට උදා වුනේ එංගලන්ත නියෝජිත වරියගේ අවස්ථාවලුඑයත් තමුනගේ පුරාජේරුව සභාවට කියලා දැම්මලු
මමත් ගෙදර ගිය ගමන් මහත්තයට කිවුවා ආයෙ නම් මට මේ ළමයි බැලිල්ල කරන්න බැහැතමුසේටනේ මෙච්චර ගොඩක් ළමයි හදා ගන්න උවමනාව තිබ්බේදැන්ඒක හින්දා ළමයින්ගේ වැඩ ටික තමුසේම කරනවා.. මට නම් ආයෙ කියන්න එපා ඕවා කරන්න හොඳද!!කියලා.

මටත් පළවෙනි දවසේ කිසි දෙයක් වෙනවා පෙනුනේ නැහැ. දෙවනි දවසෙත් කිසිදෙයක් පෙනුනේ නැහැඒත් මෙන්න තුන්වෙනි දවසේ මේ මනුස්සයා ළමයි ටික නාවලා.. කවලා.. පොවලාඉස්කෝලෙටත් ගිහිල්ලා දැම්මාඒ මදිවට ළමයින්ගේ ගෙදරවැඩ ටිකත්කරලා දෙනවාදැන්නම් මම ඒ කරදරෙන් නිදහස් වෙලයි ඉන්නේ…“

මේ කතාව අහපු සභාවෙ කට්ටිය ඇමරිකන් සුද්දිට දුන්නට වඩා චියර් පාරක් දුන්නලු එංගලන් තෙසුද්දිට…  දැන්තියෙන්නේ අරාබියේ නියොජිත වරියගේ අවස්ථාවලුඅරාබි නෝනත් කලුවට කලුවෙ ඇඳගෙන බොහොම හෙමින් සැරේ වේදිකාවට ගොඩ වුනාලු තමුන්ගේ කතාව සභාගත කරන්න.

කලින් වතාවෙ ඉදිරිපත් වෙච්ච යෝජනාවෙ විදියට මමත් ගෙදර ගිය ගමන් මහත්තයට කිවුවා මීට පස්සේ මට නම් කියන්න එපා තමුසෙගේ කෑම හදන්න කියලාතමුසේ කන විදියකට කනවාමම මින් මත්තට කෑම හැදුවෙත් හදන්නේ මට කන්න විතරයි. තමුසෙට කන්න ඕනෙ නම් තමුසේඋයාගෙන කනවා!!…” කියලා.

මටත් අනිත් හැමෝටමවගේ පළවෙනි දවසෙදිනම් මෙලෝ දෙයක් පෙනුනේනැහැ…. දෙවෙනි දවසෙත් කිසිම දෙයක් පෙනුනේ නැහැඒත් තුන් වෙනි දවසේදි මට යාන්තමට වගේ ඇස් අරින්න පුළුවන් වෙනකොට දැක්කා ජෙනරල් හොස්පිටල්  එකේ සිවිලිම


ප .ලි :- මේ මට විද්‍යුත් තැපැලෙන් හමුවූ රසවත් කථාවත් මුල් නිර්මාණයේ හිමිකරු නොදනිමි. මෙය කියවා නොමැති අය වෙනුවෙන් පමනක් මෙසේ පලකරන බව කරුණාවෙන් සලකන්න .

18 May 2013

සිරස සුපර් ස්ටාර් , //සිතුදේ නොම වෙයි නොසිතු දේම වෙයි ....//





සිරස සුපර් ස්ටාර් පස්වැනි අදියරේ අවසාන භාගයකරා යමින් සිටින මොහොතේ ඒ තරගය පිලිබදව යමක් ලියන්න හිතුනා. ඒකට හේතුව නම් බොහෝදෙනා දැනට ඉතිරිව සිටින තරු අතලොස්සෙන් ජයග්‍රාහකයා අනුමාන කිරීමයි. පටන් ගත් මුල් කාලයේ තරමටම ජනප්‍රිය නැතත් තවමත් මේ තරගය යම් කිසි මට්ටමකට ජනප්‍රියත්වය රදවාගෙන ඉන්නවා . ඒ එම නාලිකාවේ සහ අධ්‍යක්ෂක මණ්ඩලයේ දක්ෂ කම නිසයි.

කොහොම උනත් තරගයේ ඒ කාලයේ ඉදලම මම දැකපු විශේෂ දෙයක් තිබුනා. ඒ මෙතුවක් කාලෙකට ජනතා ප්‍රසාධය වැඩියෙන් දිනාගත්තේය යනුවෙන් හදුනාගෙන ඉන්න කෙනා අවසාන තරග වටයෙන් කැපී ගිහින් අනිත් තරග කරුවා ජයග්‍රහණය කිරීම. ඒ කියන්නේ අවසානයේ වැඩි ජන්ද ප්‍රමාණයක් ලබාගෙන ජයග්‍රහණය කරන්නේ නරබන්නන් අතර වැඩියෙන්ම ජනප්‍රියත්වය දිනාගෙන ඉන්න කෙනා නෙවෙයි අනෙකා . ටිකක් පුදුම සිදුවීමක් .

සිරස සුපර් ස්ටාර් පළවැනි අදියරේ සිටම මේ සිදුවීම සිදුවුනා  උනා . ප්‍රථමයෙන්ම ශිහාන් මිහිරංග , ඔහුටනම් ටිකක් වේලාසනින්ම තරගයෙන් ඉවත් වෙන්න සිදුවුනා. සුපර් ස්ටාර් තරගයේ පළවෙනි අදියරත් එක්කම අති විශාල ජනප්‍රියත්වයක් තරගය ලබා ගත්තා ලංකාවේ නාලිකා වල නොදුටු තරගයක් වූ නිසා තරගය අතිශයෙන්ම ජනප්‍රියවුනා. ඒ තරගයේ ජනප්‍රියත්වය දෙගුන කරන්න තරම් හේතුවූ තරග කරුවා වුයේ ශිහාන් මිහිරංග,


ඔහුට වඩා දක්ෂයන් තරගයේ නොසිටියාම නොවේ . ඔහුට වඩා දක්ෂයන් අවසන් විසි හතරේ වගේම අවසන් දහදෙනා අතරත් සිටියා , එහෙත් ඒ කිසි කෙනෙක්ට ශිහන්ගේ ජනප්‍රියත්වයේ අහලකටවත් ලංවෙන්න ඒ කාලයේ නොහැකිවුනා කිවහොත් එහි වැරැද්දක් නැහැ. එහෙත් ඔහුට කිසිවෙක් නොසිතු ලෙස පස්වැනි තරග කරුවා වශයෙන් තරගයෙන් ඉවත්වෙන්න සිදුවුණා.

 ඒ පරාජයේ වේදනාව තරග කරුට වැඩියෙන් වින්දේ පෙක්ෂකයන් බව නොරහසක්, එදිනට පසුද පාසල් සහ ගාමන්ට් පැක්ටරි බොහොමයක දකින්න ලැබී ඇත්තේ අවමංගල්‍යක ලක්ෂණ ඒ තරමටම මිනිස්සු කනගාටු වී තිබුනා විශේෂයෙන්ම තරුණ ගැහැණු ළමුන් . එහෙව් ජනප්‍රියත්වයක් හිමිකර ගත්ත කෙනෙක් එතරම් ඉක්මනින් කෙටි පණිවුඩ ක්‍රමයේ ජන්ද අඩුවී පරාජය වීම ගැන ඒ කාලයේ බොහෝ කටකථා ඇතිවී තිබුනා , ශිහාන් මිහිරංග ට ඉරිසියා කිරීමේ කලාව ගැන ටැබූ සබ්ජෙට් බ්ලොග් එකේ ලිපිය  මෙතැනින්.

ඒ කොහොම වෙතත් දිනුම පැරදුම කෙසේ වෙතත් වැඩි ජනතා ආකර්ශනයක් හිමිකරගත් තරග කරු තමයි වැඩි කාලයක් මිනිසුන්ගේ මතකයේ රැදෙන්නේ

මේ පුදුම තරගයේ ජයග්‍රහණය කිරීමට නම්  ගායන හැකියාව හෝ ජනතා ප්‍රසාධය පමණක්ම තිබීම ප්‍රමාණවත් නැත  එයිට පිටින් අති සුළු සුළු සිදුවීම්ද තරගය වෙනස් කිරීමට තරම් සමත්කම් දැක්වූ අවස්ථාද තිබේ. ප්‍රථම අදියරේ නැතිබැරි කම මාකට් කරමින් අජිත් බණ්ඩාර කරලියට ආ අතර මලිත්ව අවසන් මහා තරගය දක්වාම ගෙන ඒමට තරම් ඔහු මුහුණ දුන් රිය  අනතුර ප්‍රමාණවත් වුනා .

ප්‍රථම තරගය එසේ වෙද්දී එයින් පසු හතරවන අදියර දක්වාම ජනතා ප්‍රසාදය වැඩියෙන් ලත් තරග කරුවා දෙවැනි තැනට වැටීම දිගින් දිගටම සිදු වුනා. ශිහාන්ට වගේම , සුරේන්ද්‍ර පෙරේරාටත් , අර්ජුන රූකාන්තටත් .....

ඒයින් තරග කරුන්වන්ට කෙසේ වෙතත් තරගයටනම් එක් වාසියක් වුනා. ඒ මේ තීරණ ගැන බොහෝ දවසක් මිනිසුන්ට මතකයේ තිබීම සහ ඒ සදහා කථා කරන්න අවසන් තරගය ප්‍රබල මාතෘකාවක් නිර්මාණය කර  තිබීම.

අතීත කථාවන් එසේ වෙද්දී වර්තමාන තරගයද ඒ මාර්ගයටම අවතීර්ණව අති බවට සලකුණු දැනටම පෙන්වමින් තිබෙනවා .

දක්ෂ ජනප්‍රිය තරග කරුවන් එකින් එකා අවම ජන්ද ලැබී තරගයෙන් ඉවත් වෙද්දී . විනිෂ්‍ය මණ්ඩලයේ තීරණයක් අනුව ඒ කියන්නේ අනෙක් ප්‍රතිවාදී තරග කරුවන් සමග සැසදීමේදී ගායනයෙන් දෙවැනි වීම මත තරගයෙන් ඉවත්කළ තරග කාරිය. නැවතත් අද්‍යක්ෂක මණ්ඩලයේ තේරීමක් මත තරගයට ඇතුළුවීමට තරම් වසනාවන්තවී දිගින් දිගටම අනෙක් තරග කරුවන් අභිබවමින් ඉදිරියට යෑම. බොහෝවිට විනිශ්යමණ්ඩලය කෙසේ වෙතත් අවසන් තරගයට ගැහැණු පුළුටක් හෝ ඉතිරිකර ගැනීම තරගයේ ජනප්‍රියත්වයට වගේම නරබන්නන්ගේ ප්‍රමෝදයට හේතුවේ යැයි අද්‍යක්ෂක මණ්ඩලය සිතු නිසා වන්නට පුළුවන  .

 නැත්නම් පවිත්‍ර , නිරෝෂන් වැනි ජනතාව අතර ජනප්‍රියත්වය ලබාගත්තවුන් අභිබවමින් ඈ යන ගමන පුදුමය . මාගේ නිගමනය නිවැරදිනම් ඇය අවසන් තිදෙනා අතරද සිටිය යුතුය. නැතිනම් අද දිනයේ තරගයෙන්  තරගය හැර යා යුත්තේ ඇයයි.

ශිහාන්ට , සුරේන්ද්‍ර ට ,අර්ජුනට මෙන්ම වැඩි ජනප්‍රියත්වයක් ලබාගෙන තරගයෙන් ජයග්‍රහණය නොකිරීමේ සම්මතය ඒ ආකාරයෙන්ම දසුන් මදුශන්කටත් උරුමවේ යැයි සැකයක් පවතී. 


එය එසේ නොවුනහොත් මෙවර දසුන් ජයග්‍රහණය ලබන එක නිසැකය. එහෙත් පෙන්වන දෙයට වඩා හාත්පසින්ම වෙනස් දෙයකින් බොහොමයක් දේ අවසන් කරන සිරස නාලිකාවේ සුපිරි තරු තරගයේ  මෙවර අවසානයද පෙර මෙන්ම අලුත් කතාබහකට ඉඩ පරස්තාව සපයමින් නිමාවේදොයි සැකයක් සහිතව බලා සිටිය යුතුය ..

16 May 2013

සිතින් දුටු අසිරිය ...




සීතල සුළගට රහස් කියමින් නටන වැටකෙයියා පොහොට්ටු ලන්ද පුරාවට තාල මවයි. සැංගී ගීත ගයන විහඟුන් කොහේදැයි සොයමින් ඉබාගාතේ ඇදෙන වලාකුළු නිල්ල ගලන වෙල් යාය නේක වර්ණයෙන් සරසවයි. වැඩපොලකට උදෑසනින්ම කඩිමුඩියේ දුවන සංකීර්ණ චරිත මෙන් රඟපාමින් බිඟුහු ඕලු මල් යායට රොක් වෙයි.    ඕලුද ඒරංගනයට සිනාසෙයි

ඈතින් එන්නේ අබරන්  මාමාගේ අලුත් ට්රැක්ටරයේ  සද්දයයි. අවුරුදු දෙකකට ඉහත මාමාගේ සිහිනයක් වී තිබූ බලාපොරොත්තුව ඉෂ්ට වීම නිසා අබරන්  මාමාගේ මූණට ආව හිනාව තවමත් මැලවී ගොස් නැත. එයා ඒක ගැනම තොරතෝංචියක් නැති ව කියවන්නෙ ඒකයි,  මේ වෙලාවට ඔහු තම බාල දෝණියගේ පුංචි කෙල්ල අකුරට අරං යනවා.    වටේ පිටේ ඉන්න සුදු සමනල රොත්තම අබරන්  මාමා එක්ක ටවුමේ ඉස්කෝලෙට යනවා. ඒක තමයි ට්රැක්ටරයටත් වඩා සද්දෙට මේ කෑහෑගැහිල්ල 

"
 
අනේ පියල් අයියේ මොකද මේ එළියට වෙලා" මේනකා නංගි මගෙන් ඇහුවා. 

"
හුළං ටිකක් වදින්න එළියට ආවා නගා....." 

මේනකගේ රිදී හිනාව ඒක හරිම ලස්සනයි. රෝස මලකට නොරිදෙන්න පිණිකැට වැටෙනවා වගේ.....  බලං ඉන්න ආසයි. මේනකා නගාට වඩා හැඩකාරි එයාගේම ඇවැස්ස නෑනා...... සඳමලී..... ඔව් එයා හඳක් වගේ තමයි. ගිය මාසෙ පිටගමකින් දීග ගියාලු..
පියල් අයියාට හිඹුටු ගෙනාවා' කියලා අතේ ගුලිකරගෙන ඉන්න හිඹුටු ගෙඩිය පෙන්නලා දුවන පොඩි එකී, ගමටම හිටිය හඳ, ගමේ කවුරුත් එයාට ආදරෙයි.

"
 පියල් පුතේ" .  අම්මා මා ළඟට එනකන් මම දන්නෙ නෑ. සඳමලී නගාව මතක් වෙනකොට වට පිටාව ඔක්කොම අමතක වෙනවා. 

"
දැං ගෙට ගියොත් නරකද?" 

"
තව ටිකක් මෙහෙම ඉන්නම් අම්මෙ" මට එහෙම කියවුණේ ඉබේටම, අහස නිල් පාටට බබළනකොට,ඈතින් සියාතු අයියාගේ කුඹුරු කෑල්ල එක්ක ඒ අහස අනඟ රැඟුම් පානකොට මම කොහොමද දාලා යන්නෙ........? 

මම ආසයි තව ඉන්න.

ඒ පාර කඩුල්ල ලග නතරවූ බංදු ගේ  වාහනයේ නලාව එක දිගට නාද වෙනවා ,


කීපාරක් නලාව පිම්බද? ඔහොම තමයි කටුස්සගෙ කරේ රත්තරං බැන්දාම.... 

' බංදුවා පතලෙන් මැණිකක් උස්සගෙන ඇවිත් එකපාරම පෝසත් වෙලා, ලාභෙට වාහනයක් අරන් ඇවිත් උජාරුව පෙන්නුව දවසෙ  ආතා එහෙම කිව්වා.   දැනුත් කඩුල්ල ළඟට වෙලා නලාව ගහනවා. ඔය ඉතිං ආතාව අවුස්සන්න.ඒත් ආතා ගෙදර නැති පාටයි. 

"
පියල් අයියේ මොකද කියන්නේ රවුමක් යමුද වාහනේ...?" 

"
එපා මල්ලියේ... මට හිනාගියේ ආතා මතක් වෙලා. බංදුවා වාහනේ උජාරුව පෙන්නගෙන යන්නගියා......

ආයෙත් නිහඬයි. වක්කඩට කොරවක්කෙක් ඇවිත් තටු ගහ ගහා තිත්තයෝ ගිලිනවා. පොඩි කාලේ මට මතකයි මමයි, මල්ලියි, නංගියි එකතු වෙලා තිත්ත පැටවුන්ට අකුරු උගන්නනවා. මල්ලිනම් කොළඹට ගියා ඉගෙනගන්න... නංගිනම් ළඟදි ගෙදර එයි. කුළුඳුලේම දරුවා ලැබෙන්න ඉන්න නිසා ගෙදර එන හින්දා අම්මා ලහි ලහියේ කෑම හදන්න අරං….. ගේ පුරාම හමන්නේ කෑම සුවඳ….


ගමේ හුළඟෙ හීතලටයි, මේ නිස්කල්ංක කමටයි මම ගොඩාක් ආදරෙයි. පාන්දර ඉදං උදැල්ලයි කැත්තයි එක්ක පොර බැදලා ඇඟ තෙමාගෙන හැලෙන දාඩිය වල තියන අපෙකම කොළඹ රටේ සීතල කාමර වල ඉඳලා එළිඅයට බහිනකොට රස්නෙට දාන දඩියවල නෑ. 

මිනිස්සු පුරුදු වෙලා තියෙන්නෙ මොලේ වෙහෙසන්න විතරයි. ඊට පස්සෙ මොලෙයි ඇඟයි වෙහෙසලා වැඩ කරන මනුස්සයා දිහා බලලා ගොඩයා කියන්න. මේක හරිම අසාදාරණ ලෝකයක්. ඒත් අසාධාරණ නැතුව ගමට හැමදාම ඉර පායනවා. ලෝකෙ දියුණු වෙනවා, ආසාව වැඩි වෙනවා,  රණ්ඩු වෙනවා…. ගහමරාගන්නවා, , ගම් නියම් ගම් ගිනි තියනවා…. අන්තිමට………… 

පියල් අයියෙ අපි යමු ගෙට…. අහස හොඳටෝම කලු කරලා මෙනකා මගේ ළඟට ආවා 

මේ ඉර එළිය වැටෙන්නේ…?”

ඒ ඉර එළිය වැටෙනවා නෙවෙයි…. දෙවැටෙන් එහා පැත්තෙ පිදුරු ටික ඇවිලෙන්න දාලා ඒ රස්නෙයි ඔය එන්නේ

මගේ අත රෝද පුටුවේ අඟුල ඇරියා…. හුස්ම පපුව පුරෝලා පිට වුණා

පිදුර අවුලන්න අස්වැන්න කැපුවාද?”

ඔව් අයියේ කන්න දෙකකට පස්සේ ගිය මාසේ ඇස්වැන්න ඩිංගක් කැපුවා.. මේ කන්නෙත් වපුරන්න බැරි වෙයි…. මොරසූරන වැස්ස නිසා කුඹුරු ඔක්කොම ගොඩවෙලා….: මාව තල්ලු කරගෙන ගේ පැත්තට ගෙනියන ගමන් මේනකා කිව්වා.

අබරං මාමා පොඩි එකීව දාගෙන ට්රැක්ටරේ ගියා නේද?” 

අබරං මාමා ඇදුම අසනිපේ වැඩිවෙලා අද ට්රැක්ටරේ එලෙව්වෙ කුමාර අයියා….. පොඩි එකීගෙත් ඊයෙ ඇඟ රත් වෙලා තිබ්බ නිසා ඉස්කෝලෙ ගියෙ නෑ ඒත් අර නල ළිඳ විවෘත කරන උත්සවේට පත්තරෙන් එනවා කියලා ගමේ පොඩි උන් ටිකක් දාගෙන එතනට එන්න කියලා ඉස්කෝලෙ මහත්තයා පණිවිඩයක් එවලා තිබ්බා එයාලයි ටැක්ටරේ ගියේ .

මම හිතුව හැම දේම වැරදියි නොවැ නගා 

 අයියා මොනාද හිතුවේ…”

මම දැක්කේ ඉස්සර ගම

ඉස්සර ගමට වඩා අද වෙනස් අයියා…. ඔය පැත්තෙන් කෑල්ලක් ගොඩ කරලා පැක්ටේරියක් ගහන්න පාස් වෙලාලු. ඕලු මල් යායම දැං නෑ. ගියපාර ගංවතුරට වතුරත් එක්ක ඕලුයාය වඳ වෙලා ගියා….: 

මගේ හුස්ම ආයෙත් දීර්ඝ උණා

සීමා මයිම් නැතුව හිතෙන අනන්තවත් දේවල් අහස පොළොවටත් හොරා හිතේ ඉපදිලා හිතේම වැලලිලා යනවා අවුරුදු දෙකකට ඉස්සල්ලා මම දැක්ක ගමත් එහෙමයි. අවුරුදු ගානක් තිස්සෙ කන්දෙකට පුරුදු වෙලා තිබුණෙ මැෂින් තුවක්කුවේ සද්දෙයි , ඒ අස්සේ කුරුල්ලෙක්ගෙ සිංදුවක් ඇහුවේ ගම මතක් කරගෙන. අන්තිමට මම දැක්කේ විශාල සද්දෙකුත් එක්ක ලොකු ගිණි බෝලයක් ඊට පස්සෙ සුදු පාට…… අදත් මම ගම දකින්නේ හිත ඇතුලෙන්, හෙටත් එහෙමයි, මම මගේ ඇස් දෙකෙන් මේ කිසිදෙයක් ආයෙත් නොදකීවි.



ප.ලි :- ප්‍රථමයෙන් ලිවීමට පටන්ගෙන අසාර්ථකවී අතහැර දැමු බ්ලොගයේ පලකල කෙටි කථාවකි.

You might also like:

Related Posts Plugin for WordPress, Blogger...