25 January 2013

නිරුවත් පෙම්වතා ( කොටු පැනීමට ගොස් කොටුවීමේ කයි කථාව ) 13+



    මෙතැනින් ගොසිප් ලිපිය බලා පැමිණීම පහසුවකි .    දුරකථනය නාද වීම නිසා අසුවූ ඇදයට සිටි නිරුවත් පෙම්වතා


හිරු අවරට හැරෙන    පැයෙන්
ඇදගෙන ජැන්ඩියට  හොරෙන්
රිංගා  කටු  කම්බ්        වැටෙන්
දැම්මා  තට්ටුව          හෙමිහින්


කළුවරේම  දොර   ඇරුනා
හින් සැරේ අත        වැනුවා
අනතුරු නැති බව  පෙනුනා
හනි හනිකට මම    පැන්නා


කළුවර  කාමරය       අස්සේ
පොත් මේසෙට එහා පැත්තේ
ඈත්  සමග  මා     නිදැල්ලේ
    සොදුරු ලොවක සුව සොයන්නේ


( දුරකථනය නාද වෙයි .........................)


ජන්ජාලෙකි වෙන්න යන්නේ
දුරකථනය   නාද    වෙන්නේ
හදිස්සියේ   බැහැ     ඔබන්න
මේ    ඉලව්ව     නවතගන්න


එළියෙන් කසු කුසු  ඇසුනා
දොරටත්  කව්දෝ    ගැසුවා
දුර   කථනය  නතර  උනා
අසරණවී    මා       ගැහුනා


මහ හය්යෙන් දොර ඇරුනා
බිය    විලා    ඈ     හැඩුවා
කලිසම  ඇද  පල්ලේ දමා
ඇද  අස්සට  මා  පැන්නා

ඇද   යට   ආරස්සා   වයි
මා දැන් අසු නොවන හැඩයි
එහෙම  හිතුව මම  මෝඩයි
දුර  කථනය  නැවත  හඩයි


 ඇද   අස්සට  අත්   ආවා 
ඇදලා  අරන්  මට  නෙළුවා
කොටු පනින්න හිතපු මෙමා
පොලිසියට   කොටු    වුවා


කොටු පනින්න හිතනවනම්
මේ  ඔවදන   හිතට   අරන්
ජනේලයෙන් පනින්න පෙර
දුරකථනය   නිවා   ගන්න... 
_____



තවත් කයි කථාවක් මෙතැනින්

23 January 2013

නිදා සිටිනා සිංහයනි මේ අවදි වියයුතු කාලයයි ඔබේ ජාතිය අනතුරේ .



න්දා මාලනියන් විසින් ගයන “තුන් හෙළේ කැලෑ  තුල සිංහ පැටව් “ ගීතය ඇහෙන විටම මට මතක් උනේ  ලංකාවේ කොහෙද සිංහයෝ කියාය . ඇත්තෙන්ම ලංකාවේ කැලෑ තුල සිංහයෝ දැන් නැත . හිටියත් ඒ අතේ ඇගිලි තරමටත් අඩු ප්‍රමාණයකි .  ලංකාවේ සිංහයෝ දැන් ඇත්තේ සතුන් වතුවල පමණි . අතීතයේ කෑලෑ වල රජකම් කල උන්ට අත්වූ ඉරණම ඒයය... සිංහයෝ වදවී ගියාක් මෙන් අනාගතයේදී ලංකාව තුල සිංහල ජාතිය ද  නැතිවී යා හැකි ලකුණු මේ වන විට හොදින්ම පෙනෙමින් පවතී , දැනෙමින් පවතී . ඒ පිලිබදව සිතිය යුතු කාලයයි මේ .

කෙසේවුවත් සිංහයන් සහ සිංහලයන් අතර ද ඇත්තේ දැඩි සම්භන්ධ තාවයකි .  ශ්‍රීලංකා  ජාතික කොඩියේ සිටින්නේද  කඩුවක් අතින්ගත් අභිමානවත් සිංහයෙකි .  මෙහි සිංහ රූපය යොදාගෙන  ඇත්තේ සිංහලයන් පැවතෙන්නේ  සිංහයන්ගෙන් බවට මතයක් තිබෙන නිසාය .

ඇත්තෙන්ම කිවහොත් සත්වයෙකුගෙන් ජාතියක ආරම්භය සිදුවීම පිළිගත නොහැක .  මහා වංශයේ සදහන් පරිදි  සිංහල ජාතියේ වර්තමාන පැවැත්ම විජය කුවේණි යුගය දක්වා දිවෙයි .. ආදී මව්පියන්  එසේනම් . විජය යනු කව්දැයි  දළ වශයෙන් බලමු .  අතීත වගු රටේ රජු කාලිංග දේශයෙන් කුමරියක් විවහා කරගත් අතර ඔවුන්ට ලැබුණු දු කුමරියගේ නම සුප්පා දේවියයි ..  ඇයට සිංහයෙකුට දාව දරුවන් දෙදෙනෙකු ලැබේ ..
මෙතැන ගැටලුවක් ඇත ඔහු සිංහයෙක් ද එසේත් නැත්නම් සිංහයෙක් වැනි  මිනිසෙක්ද යනුවෙන්.. බොහෝ තැන්වල සදහන් පරිදි ඔහු කැරළිකාර සිංහ වංශිකයෙකි .එසේත් නැතිනම් සිංහයෙක් මෙන් නිර්භීත මනුෂ්‍යකි. එහෙත් සමහරුන්ගේ මතයනම් ඔහු සිංහයෙකුම බවයි. කෙසේ වෙතත්   සිංහයාට දාව ඉපදුනු දරුවන් දෙදෙනා එහෙමත් නැත්නම් සිංහබාහු සහ සිංහ සීවලී දෙදෙනා ගේ පළමු දරුවා තමයි විජය කුමරු වෙන්නේ ..  සිංහලයන්ගේ මුලාරම්භය එය බව සැලකේ .

ඒ සම්භන්ධයෙන් මා වැඩි තොරතුරු සොයා පලකිරීමට උත්සහ කරන්නේ නැත මක්නිසාදයත් මේ ලිපියෙන් ඉදිරිපත් කරන්න සැරසෙන අරමුණ වෙනත් එකක් බැවිනි ..

එවැනි අභිමානවත්  සිංහල  ජාතියේ වර්ථමානයේ ඇතිවෙමින් පවතින තත්වය  සලකා බලන විට  සිංහල ජාතියේ අනාගතය සුභ නොවේ..  එය නොතේරෙන සිංහලයෙකු ඇත්නම් එතැන ඇත්තේද ජාතිය පිළිබද ගැටලුවකි.

එවැනි  ඉතිහාසයක් ඇති සිංහල ජාතිය විනාශයට ඇද දමා දේශය ගිල ගැනීමට මාන බලන විජාතික බලවේගයන්ගේ කූට උපක්‍රම වලට රැවටී ජාතිය විනාශ මුඛයට ඇද වැටෙන තෙක් ඇස් කන් පියාගෙන සිටීම යුතුනොවේ . එසේ උවහොත් සිදුවන්නේ  අපේ අනාගත දරු පරපුරට  අන්‍යජාතියකට අයිතිවූ අපේම දේශයේ සුළුජාතීන් වී අනුනට හිස නැමිමටය . අපේ මුතුන් මිත්තන්ගේ ලෙයින් ලියවුන ඉතිහාසය  විනාශ කිරීමට ඉඩදී එඩිතර සිංහල ජාතියක් විදියට තවත්  දෙනෙත් පියාගෙන සිටිය යුතු නැත..  

මම එයින් අදහස් කරන්නේ කඩු පොලු රැගෙන යුද්ධ ප්‍රකාශ කලයුතු යැයි නොව . අප එවැනි  මිලේජ්ජ ජාතියක් නොවේ . එහෙත් දේශය ජාතිය ආරක්ෂා කරගැනීම වෙනුවෙන් අපට කළහැකි බොහොමයක් දේ ඇත .. එහෙත් තවමත් නිදාසිටින සිංහයන්ට එය නොපෙනීම කනගාටුවට කරුනකි.

වෙනත් සුළු ජාතියක් විසින් බොහෝ කාලයක සිට සිංහලයන්ට වින කටිමින් සිටියි ,   එහෙත් බොහොමයක් අයට තවමත් එය නොතේරෙන්නේ ඇයිදැයි නොදනිමි වරද ඇත්තේ අප තුලමද ,

එයින් ප්‍රධාන වෙන්නේ  සිංහලයන් අතර  සමගිය නැති කොට අප අතරම ප්‍රශ්න ඇති කිරීමයි .  

කුල වාදය හරහා සිංහල පැවිද්දන් අතර මෙන්ම ගිහියන් අතරද භේද ඇති කිරීම දැනටමත් වෙමින් පවතී .  මෙතැනදී  එකම ජාතිය අතර ගැටුමක් තිබෙන බැවින්  ගැටුම ඇති කල සතුරා කිසිවෙකුට නොපෙනේ . එයින් ප්‍රයෝජන ගන්නේ වෙනත් පිරිසකි .  විනාශ වන්නේ  සිංහල ජාතියේ බුද්ධිමතුන් පිරිසයි .

සිංහල ජාතියේ වර්ධනය සීග්‍රයෙන් පහත බැසීම .

දැනට සිංහල ජාතිය රටේ බහුතරය වුවත් , වර්තමානයේ  සංක්‍යා ලේඛන පරික්ෂා කිරීමේදී  ජනගහනයේ පහත වැටීමක් පැහැදිලිවම පෙනෙන්නට තිබේ එයිට සාපේක්‍ෂව  වෙනත් ජාතියකගේ වර්ධනය වීමේ වේගය අධිකය .  එසේ බලන කල නුදුරේදීම සිංහලයන් සුළුතරය නොවේයැයි කිව හැක්කේ කාටද ..

බොහොමයක් සිංහල  පවුල්වල දරුවන් එකෙකුට හෝ දෙදෙනෙකුට සිමාවේ , ඒයට ලංකාවේ ආර්ථිකය ගොඩනැගී තිබෙන ආකාරය ද වක්‍රාකාරයෙන් බලපෑම් කරයි ,  අතීතයේ එසේ නොවේ අතීතයේ පවුලක් සමග සසදා බලන විට වර්තමානයේ  වර්ධන වේගය සැලකිය යුතුලෙස පහත වැටී ඇත . එසේ බලන කල රට ගමන්කරන්නේ ඉදිරියටද පසුපසටද යන සැකයක් උපදී .. ජාතිය හීන කරගෙන ලබන දියුණුව පලක්වේද ඒ ලබන දියුණුව භුක්ති විදින්න තරම්  ජාතියක් ඉදිරියේදී ඉතිරි නොවේනම් .  මේ ප්‍රශ්නයට පිළිතුරක් නැත එහෙත් ඉක්මන් පිළිතුරක් සෙවිය යුතු  ගැටළුවකි...

අනෙක් කරුනනම් සිංහල දරුවන්ගේ හා තරුණයන්ගේ මනස විකෘති කිරීම ඒ මගින්  සිංහල ළමුන් මත් ලෝලීන් ,කාමාතුරයන් , සුදු කරුවන් කිරීම තුලින්  අනාගත සිංහලයන් වැනසීම.  මෙය පිළිගත නොහැකිනම් ඇස්  හැර බලන්න ලංකාවට මත්ද්‍රව්‍ය හා අනෙකුත් විනාශකාරී දෑ ගෙන්වන බහුතරය  කුමන ජාතිකයන්ද කියා සහ ඒවා බෙදාහරින්නන් අයත් වන්නේ කුමන ජතියටද කියා  .. මෙය කොයි ආකාරයෙන් අනාගතයේදී සිංහලයන්ට බලපාවිදැයි සිතාබැලිය යුතුය .

එක්තරා ලාංජනයක් සහිත භාණ්ඩ  ලංකාව තුල සීග්‍රයෙන් වර්ධනය වෙමින් පවතී . එම ලාංජනය ලබාගැනීම වෙනුවෙන් සිංහල වෙළදුන්ද විශාල මුදලක් ගෙවිය යුතු අතර වාර්ෂිකවද ඔවුන්ට ගෙවිය යුතුයි . ඒ වෙනුවෙන් ගෙවන මුදල අය වෙන්නේද සිංහල පරිභෝගිකයන්ගේන්මය .එය කෙසේ වෙතත් එම මුදලම කවදා හෝ  එරේහි වන්නේ සිංහලයන්ටමය .  ඒ පිලිබදව ගැබුරින් සිතා බැලීමට කාලය එලබ ඇත ..  එම ලාංජනය සහිත භාණ්ඩ මිලදී ගැනීම වර්ජනය කිරීමෙන් කවදා හෝ දිනක ඔබට සිංහලයන්ට  විරුද්ධව ගොඩනැගෙන සංවිධානයකට  ලැබෙන ආදායම්  මාර්ග සුළුවෙන් හෝ  අඩාල කාලයැයි සතුටු විය හැක .


මෙම අසාධාරණයන්ට විරුද්ධව හඩනැගු පිරිසක් ලංකාවේ මෑත කාලයේද සිටියේය .. එහෙත් ඔවුනට සිදූවුනේ අවාසනාවන්ත ලෙස ජිවිතයෙන් සමුගැනිමටය. එසේ නැත්නම් රැකියාවන් අහිමි කර  ගැනීමටය ..

එහෙත් තවමත් සිංහලයන්  නිදාගෙන සිටිය  යුතු නැත .. රට  ජාතිය ආගම ගිලගැනීමට  සැරසෙන වෘකයන්ට එරෙහිව නැගිසිටිය යුතු කාලය දැන් පැමිණ ඇත . එසේ නොවුනහොත් මතු දිනක ඔබේ දරුවාට සිදුවන්නේ  ලංකාව තුලම සුළු ජාතිකයෙකු වී  වෙනත් ගෝත්‍රික අදහස් ඇති ජාතියකට බැලමෙහෙවර කිරීමටය ...  මේ සිතන්නට කාලයයි .


සැලකිය යුතුයි :-  රට දැය ගැන සිතීම යනු ජාතිවාදය නොවේ ...

(මේ අපේ ශ්‍රී ලංකාව  - ජයාරූපය : කොල්ලුපිටිය )

18 January 2013

ජීවිතයත් මරණයත් අතර සිටියදී දුටු අසාමාන්‍ය අත්දැකීම.




මේ විශ්වයේ  මනුෂ්‍ය ඇසට නොපෙනෙන  සිදුවීම් අනන්තවත් තියෙනවා  පියෙවි ඇසට දකින්න ලැබෙන්නේ සුළු ප්‍රමාණයක් පමණයි එයිට එහා ගිය රහස් රාශියක් මේ ව්ශ්වයේ සැගවිලා තිබෙනවා  .  මම අද ලියන්න හදන්නේ ඒ විදියේ පුංචි සිදුවීමක් .

 කෙනෙක්ට පුළුවන් මේවායේ විද්‍යාමකව  සත්‍ය අසත්‍ය බව වෙනුවෙන් කරුණු කාරණා රැස්කරලා   තර්ක කරන්න උනත් . එහෙත් මෙහෙම දේවල් තියෙනවා කියලා හරියටම කාටවත් ඔප්පු කරලා පෙන්නන්න බැහැ වගේම මෙහෙම දේවල් නැත්තටම නැහැ කියලා හරියටම ඔප්පු කරන්නවත් සාක්ෂි නැහැ.  සාක්ෂි තිබුනත් ඒවා පිළිගන්න බැහැ .  තවමත් මෙවැනි දේවල්වල ඇත්ත නැත්ත පවතින්නේ අත්දැකීම් මත ,


අසංක කියන්නේ වාහන අලුත්වැඩියා කරන ස්ථානයක රැකියාව කරන ලාබාල තරුණයෙක් .  දැනටත් ඔහු ඇවිදින්නේ කිහිලි කරු අධාරකයකින් කකුල් දෙකම  පන නැතිවෙලා .  එයට හේතුව මෙයිට වසර කිහිපයකට ඉස්සර සිදුවෙච්ච මෝටර්  රථ අනතුරක් .

දැනටත් ඔහු ජිවතුන් අතර සිටීම පුදුම සහගත දෙයක් ඒ අනතුරෙන් ඒ තරමටම දරුණුවට ඔහුට තුවාල සිදුවුනා . මෝටර් බයිසිකලයකින් පැමිනි ඔහු මෝටර් රථයක් හා මුහුණට  මුහුණ ගැටීමෙන් හිසේ කොටසකට ශරීරයේ අභ්‍යන්තරයට සහ පාද වලට දරුණු තුවාල සහිතව රෝහල් ගත කළා.. ගොඩක් අයගේ විස්වාසය තිබුනේ ඔහුව ජිවත් කරන්නට නොහැකිවෙයි කියලා තමයි.  

අනතුර සිදුවුණ වෙලාවේ තුවාල කරුවන් රෝහලට රැගෙන යන්න පැමිණි  ගිලන් රථයේ නිළධාරීන් පවා පැවසුවේ රෝහලට ගෙනියන තුරුවත් ඔහුගේ ජීවිතය   තිබේදැයි විස්වාසයක් නැත කියායි.. ඒ තරමටම දරුණුවට ඔහුව තුවාල වෙලයි තිබුනේ.

එහෙත් මොකක් හෝ හේතුවක් උඩ  ඔහුගේ ජීවිතය  යන්තමින් රැදිලා තිබුනා රෝහලට ගෙනයද්දිත්.

දන්නා තරමින් ගොඩක් ෛවද්‍යවරු මරණය දැක දැක ඉන්න රෝගීන් වෙනුවෙන් එහෙමත් නැත්නම් නිශ්චිතවම මියයයි යැයි ඔවුන්ට හැගෙන මිනිසුන්ගේ ජිවිත වෙනුවෙන් වැඩිපුර වෙහෙස වෙන්නේ නැහැ . ඒ වගේම ජීවිතය රැකගන්න පුළුවන්ය කියලා හිතන අය වෙනුවෙන් උපරිම උත්සහයක් ගන්නවා . ඔවුන්ගේ වුර්තිය අත්දැකීම් මත ඒවා  ඔවුන්ට තේරේනවා බොහෝ  විට සිදුවන්නේ එහෙමයි . ඒ වගේම මේම  රෝගියාත් වැටුනේඋත්සහ කිරීමෙන් පලක් නැත කියන රෝගීන්ගේ ලැයිස්තුවට .

එහෙත් ෛවද්‍යවරුන්ට සුළු උත්සහයක් නොව දැඩි උත්සහයක් ගන්න සිදුවුණා මේ රෝගියා වෙනුවෙන් . ඒ රෝහල් කාර්යමණ්ඩලයේ උසස් නිලයක් හෙබවූ කෙනෙක් මේ රෝගියාගේ ඥාතීයෙක්වීම . ඒ නිසා  මේ රෝගියා  ෛවද්‍යවරුන්ට අනෙක් රෝගීන් අතරින් විශේෂ වුනා. ඒ නිසයි මරණය දැක දැක සිටි අසංකගෙ ජීවිතය  වෙනුවෙන් ෛවද්‍යවරු  ඒ තරම් උත්සහ කලේ . එක අතකින් ඒක ඔහුගේ වාසනාව .


දැන් අපි බලමු මේ වෙලාවේ අසංකට මොකද වෙලා තියෙන්නේ කියලා .
හදිසි අනතුරු වාට්ටුවේ අසංකගේ ජීවිතය වෙනුවෙන් ෛවද්‍යවරු ලොකු සටනක. ඒ වෙනුවෙන් අවදානම් සහිත සංකීර්ණ ශල්‍යකර්මයක් සිදුවෙමින් තිබුනා .  එක පැත්තකින් මාරයා අසංකව රැගෙන යෑමට අදින අතරේ තවත් පැත්තකින් අසංකව  ජිවත් කරවන්න හැකිවේ යැයි හැගෙන අයුරේ සලකුණුද  ෛවද්‍යවරුන්ට පෙනෙමින් තිබුනා

අසංකගේ ශල්‍යකර්මය වෙනුවෙන් කාර්යබහුල ව බලාපොරොත්තු දෑසින් බලා සිටින ෛවද්‍යවරු හෙදියන් සහ රෝහල් සේවකයන් හැරුනුකොට ඒ කාටවත් නොපෙනෙන තවත් දෑසක් ඒ දෙස බලා සිටියා .

ඒ වෙන කවුරුවත් නෙමේ අසංකමයි .

පැහැදිලිව කියනවානම් ශරීරයෙන් වෙන්වුන ඔහුගේ මනෝකාය එහෙමත් නැත්නම් ඔහුගේ ආත්මය.  ඔහුගේ ශරීරය දෙස බලාගෙන සිටියා .

ඒ කියන්නේ අසංක දැනටමත් මළවුන්ගේ ලෝකයේද ?  ප්‍රශ්නයක් . ඔව් එහෙම වෙන්නත් පුළුවන් . කලාතුරකින් කෙනෙක් ලබන අත්දැකීමක් ඔහු ලබමින් සිටින්නේ .


තමන්ගේම කපා තිබෙන ශරීරය දිහා ඔහු පුදුමයෙන් බලාගෙන හිටියා . ෛවද්‍යවරු ශරීරයේ තුවාල වලට ප්‍රතිකාර් කරන හැටි හෙදියන් ශල්‍යකර්මය අතරේ ලේ ගලන ස්ථාන වලට ගෝස්ට් කැබලි ඔබන හැටි ඔහුව යන්ත්‍ර වලට සවි කරන හැටි ඒ හැම දෙයක්ම අසංක දැක්කා .


ඔහුට එතැනින් යන්න පුළුවන්කම තිබුනත් අසංක තමන්ගේ ශරීරය අතහැරලා යන්න කැමැති උනේ නැහැ .  ආයෙමත් කොයිවෙලාවක හරි මේ ශරීරයට ඇතුළුවෙන්න පුළුවන් කියන විශ්වාසයෙන් ඔහු එතනටම වෙලා සිටියා

එතකොට මෙතන ඉන්න පියෙවි ඇසට නොපෙනෙන කෙනා අසංක විතරමද ?

නැහැ මේ ශල්‍යගාරය තුල ෛවද්‍යවරු හෙදියන් රෝහල් සේවකයන් හැරෙන්න තවත් විශාල පිරිසක් හිටියා . ඔවුන් රෝහල් කාමරය පුරාම සැරිසැරුවා එහෙත් ඒ එක්කෙනෙක්ව වත් මනුෂ්‍ය ඇසට පෙනෙන්නේ නැහැ . ඒ හැම දේම දුටුවේ අසංක විතරමයි .  ඒ හැමෝමත් අසංක විදියෙම ආත්ම.

අසංක තමන්ගේ ශරීරයට ඇතුල්වෙන්න උත්සහ කරන හැම වෙලේම මේ අනිත් ආත්ම ඔහුට බාදා කාරන්න උනා . එක් වරක් ආත්ම  කිහිපයක් අසංකව මහල් කිහිපයක් උසින් තිබෙන ශල්‍යගාරයේ කවුළුවකින් පහලට ඇදදමන්න උත්සහා කළා ඔවුන් උත්සහ කලේ ශරීරය ලගම රැදිලා සිටින අසංකගේ මනෝකාය එතැනින් ඈතට පලවා හරින්න.

එහෙත් කිසියම්හෝ හේතුවක් මත එක මොහොතකදී අසංක වාසනාවන්තවුනා ඔහුට පුලුවන්වුනා නැවතත් ශරීරයට ඇතුල් වෙන්න ...


දැන් බලමු ඒ මොහොතේ ෛවද්‍යවරුන්ට දැනුනු හැටි .


රෝගියා ගැන ෛවද්‍යවරුන් ගෙ තිබුණු බලාපොරොත්තු ටිකෙන් ටික ඈතට යමින් තිබුනේ. එහෙත් නොසිතු මොහොතක එකවරම බලාපොරොත්තු ඇතිකරගන්න පුළුවන් ලකුණු පෙන්වන්න උනා . ඒ වගේ සිදුවීම් වෙන්නේ කලාතුරකින්.


ඒ මොහොතේ ෛවද්‍යවරුන් උපරිමයෙන් ක්රියශිලිවුනා අවසානයේ ශල්‍යකර්මය සාර්ථක කරගන්නට ඔවුන්ට හැකිවුණා . ඔහුට පියවි සිහිය ලැබෙන දිනයක් ගැන හරි හැටි උත්තරයක් දීමට නොහැකි වුනත්  ඔහු ජිවතුන් අතර බවට සහතික වෙන්න ෛවද්‍යවරුන්ට පුලුවන්වුනා . පැය කිහිපයක මෙහෙයුමක් අවසන්වුයේ එලෙසයි.  එහෙත් ඔහුගේ ශරීරය යන්ත්‍ර වලට සවිකරලයි තිබුනේ. හුස්ම ගැනීමේ පහසුකම් සිට සෑම දේම සිදුවුනේ යන්ත්‍ර ආධාරයෙන්

වැඩි කාලයක් යෑමට මත්තෙන් ඔහුට සිහිය ආව.. එහෙත් හරියටම මිනිස්සු අදුනගන්න කතා කරගන්න පුළුවන් වෙන්න බොහෝ කාලයක් ගියා .. එහෙත් පුදුමය නම් ඔහු මරණාසන්නව සිටි මොහොතේ දුටු සියලුම දේවල් පැහැදිලිවම මතකයේ තිබීමයි.  

සුවවූ පසු ඔහු ෛවද්‍යවරුන්ට ඔහු දුටු සියලුම සිදුවීම් විස්තරාත්මකව කිව්වා. එහෙත් ඔවුන් ඒවා පිළිගන්න පාටක්නම් තිබුනේ නැහැ . එහෙත් අසංක පැහැදිලිවම එදා ඔහුව ඔපරේෂන් කරපු ෛවද්‍යවරුන් අදුනගත්තා ඒ වගේම එතන සිටි හෙදියන්වත් අදුනගත්තා . ඔවුන් ඒ අවස්ථාවේ හැසිරුණු ආකාරයත් විස්තර කළා . අන්තිමේදී ෛවද්‍යවරුන්ට සිදුවුණා මොහුගේ කතාව පිළිගන්න .  ඒ වගේම එතන සිටි ෛවද්‍යවරුන්ට නොපෙනුන අදුශ්‍යමානව සිටි විශාල පිරිස ගැනත් ඔහු කිව්වා..

ෛවද්‍යවරුන් එය කොයි ආකාරයකින් පිළිගනිද යන ගැටලුව ඔහුට තිබුනේ නැහැ ඔහු දුටු හැමදේම ඔහු කිව්වා . එහෙත් මේ සිදුවීමෙන් පසුව  රෝහල් කාර්ය මණ්ඩලය එකතුවී  ශල්‍යාගාරය තුල පිරිතක් කිරීමට පවා කටයුතු කල බවටද ආරංචි තිබුනා ,


මේ විශ්වයේ අපි දකින්නේ දැනෙන්නේ ඇහෙන්නේ  සුළු ප්‍රාමාණයක් පමණි ..  කිසිවෙකු නොදකින නොහිතන නොපෙනෙන රහස් ගොන්නක් මේ ලෝතලයේ සැගවිලා තියෙනවා , එහෙත් විටෙන් විට එවැනි දේ ඇති බවට අපට සලකුණු පෙන්වනවා , සත්‍ය එයයි  පිළිගැනීම නොපිළිගැනීම ඔබ සතුයි ...



ප.ලි :- අත්දැකිම් ලත් පුද්ගලයා විසින් ප්‍රකාශ කල සත්‍ය කථාවකි .

තවත් අසාමාන්‍ය කතාවක් මෙතැනින්

15 January 2013

පිට රට විස්තර මෙව්වා (රට ගිය පසු ගම අමතක වීම )



සවස් වරුවේ පා ගමනින්ම විදි සංචාරය කරන විට හදුනන මුහුනක් දැකගත හැකිවිය .. ඒ මෙයිට වසර කිහිපයකට  පෙර යුරෝපිය රටක රැකියාවට ගිය සම වයසේ ග්‍රාමීය වැසියෙකි. ඔහු වසර කිහිපයකට  පෙර සිටි ආකාරයත් සමග සසදන විට භාහිරෙන්  බොහෝ වෙනස් වී ඇත . 

නිවස ඉදියේ සිටියත් විනෝද චාරිකාවක් යෑමට මෙන් ඔහු හැඩ වැඩ වී ඇත. යුරෝපයේ සිට එන බොහොමයක් ශ්‍රී ලාංකිකයන්ගේ විලාසය එය බව දන්නා බැවින් මා ඒ ගැන තැකීමක් කලේ නැත  . එහෙත් හුරු පුරුදු මුහුනක් බැවින් හදුනා ගැනීමට අපහසු වුයේ නැත.

ඔහුද මා දුටුවේය එහෙත් මා දෙස බලාසිටියා පමණි . මා හදුනා ගත් සලකුණක් ඒ මුහුනේ නැත.. සමහර විට හිරු අවරට යෑමට හෝරා දෙකක් පමන තිබුනු මේ අදුරේ පවා ඔහු අව් කන්නාඩියක් පැළද සිටීම ඒයිට හේතුවන්නට ඇත..

එබැවින් ඔහුට මා හදුනා ගන්නට අපහසු වන්නට ඇත . මටද පැනගොස් කථා කිරීමට තරම් උවමනාවක් නොවූ බැවින් මද සිනහවක් පා නැවතත් ගමන් ඇරබීමට සිතුවා පමණි ..  ටියුබ් ලයිට් සංකල්පයට අනුව දෙවරක් ගැස්සී ඔහු පත්තුවිය..

“හේයි මචං හව් ආ යු .!!

“අයිම්  ෆයින්   මචං ..... ඉතිං..

“ඔහ් ..පයින්,  මොකද මචං පයින්ම වෙහිකල් එකක්වත් ගත්තේ නැද්ද තාම..

මම සිනාසුනා පමනි

“ මටනම් මගේ වෙහිකල් එක නැතිව මෙහේ ට්‍රැවල් කරන්න හරි අමාරුයි මචං...  කොහොමද මෙහෙ බස් වල ට්‍රෙන් වල යන්නේ  දහඩිය දාගෙන .. ඒ මදිවට දුවිල්ල .  එකටත් එක්ක බලන්ට එපායෑ එහෙ වාහන..

වෙනස්වී ඇති අයුරුනම් සුළුපටු නොවේ... උපන්දා සිට ගමනාගමනය සදහා යොදාගත් දෑ වසර කිහිපයක්  තුල පිළිකුල් වීම පුදුම සහගතය..

“මේ ඉන්න දවස් ටිකේ මගේ ගමන් වලට මම කැබ් සර්විස් එකෙන් කෑබ් එකක් ගෙන්න ගත්තා... මොනවා කරන්නද මචං මගේ කා (ර්) එක තරම් කන්ඩිෂනර් ඒවා මෙහෙ හොයන්න නැහැනේ..

“එහෙනම් කාර් එකත් අරගෙනම එන්න තිබුනනේ “ මම වැඩිපුර නොහිතා විහිළුවට මෙන් කීවෙමි.

“වැඩක් නැහැ මචං.. කොහොම හරි ගෙන්නුවා කියමුකෝ .. එත් කෝ ඒ වගේ වාහනයක් යන්න තරම් පාරක් මෙහෙ.. මෙහෙ  පාරවල් අන්තිමයිනේ මචං .. එකටත් එක්ක බලන්ට එපායෑ එහෙ ..

මෙතෙක් කාලයක් මා සිතා සිටියේ  දැන් ලංකාවේ පාරවල් සුපිරි බවය . එහෙත් මොහු කියන හැටියට මගේ මතය වැරදිය.. එසේ බලන කල වර්තමාන රජය වෙහෙසවී මහා මාර්ග නඩත්තු කලද එය සාර්ථක නැත.. (ඔහුගේ මතයට අනුව )

“ ඉතින් ආයේ කවදද යන්න ඉන්නේ “

“ නෙක්ස්ට් වික් යනවා මචං ..  කොහොමද මචං මෙහෙ දවාලට ඉන්නේ පුදුම රස්නයක්නේ තියෙන්නේ ..  එකටත් එක්ක බලන්ට එපායෑ එහේ . හරිම කුල් ක්ලයිමෙට් එක .. ඇගට හරිම සනීපයි... මටනම් දැන් ලංකාවේ කාලගුනේ සෙට් වෙන්නෙම නැහැ මචං .. මේ හිටිය සති දෙකට එපා උනා ...

පුදුමයකි උපන් රටේ පරිසරය  වසර කිහිපයක් වෙනත් රටක සිටීමෙන් පසු එපාවී ඇති අයුරු හාස්‍යජනකය.  

සමහරවිට ඔහු කියන අයුරින් එහි සත්‍යක් තිබෙන්නටද පුළුවන . ඒ සම්භන්ධයෙන් මට අත්දැකීම් නැති බැවින් මා නිහඩ උනෙමි..  එහෙත් උපන් දා සිට ජීවත්වූ ගැමි පරිසරය වසර කිහිපයක් වෙනත් රටක සිටි පමණින් ඒපාවුවා යැයි පැවසීම ගැන මගේ සිතේ ඇතිවුයේ හාස්‍යජනක හැගීමකි .

  එහෙත් ම‍ට හැගුනේ ඔහු වසර කිහිපයක් ජීවත්වූ  රට උසස් කොට කථාකිරීමට ඇති කැමැත්තක් නිසා උවමනාවෙන්ම උපන් දේශය පහත දැමු බවයි..

 එය බොහෝ කාලයක් විදේශයන්හී සිට පැමිණෙන සුළුතරයක් ශ්‍රී ලාංකිකයන්ට වැළදෙන සුලභ රෝගයකි..  එවැනි පසුබිමක් තුල  යන්තමින් හෝ මා ගැන මතකයක් තිබීම ගැන මම සතුටු උනෙමි..  එම දෙබසින් පසුව ඔහු රැගෙන විත් තිබු නයි මල්ලේ  සිටි අන්තිම නාගයාගෙ වෙනතුරුම  හැඩවැඩ  බැලූ මා නැවත පිටත් උනෙමි..



11 January 2013

රිසානා ඔබට සුව නින්දක් !!!



ඊයේ රාත්‍රියේ රූපවාහිනියෙන් දුටු දසුන මෙතෙක් කාලයක් මාධ්‍යක් තුලින් දුටු දුක්බරම දසුන උනා ... සුදු ඇදගත් වදකයෙකුගේ කඩු පහරින් ඇගේ ගෙල සිදියද්දි ජාති ආගම් භේදයක් නැතිව කී දෙනෙගේනම් ඇසින් කදුළු වැටෙන්න ඇත්ද කීදෙනෙක් කම්පා වෙන්න ඇත්ද .. එහෙත් ඇයව මරණයට පත්කළේ ඇගේම ජාතියයි ඇගේම ආගමයි..

රිසානා ඔබට මේ දඩුවම ලැබුනේ ඔබේම ධර්මය හිස් මුදුනින් පිළිගන්නා උන්ගෙනි . ඔබ අදහන ධර්මයට අනුව ඔබේ මරණයෙන් ඔබේ දෙවියන් සතුටු වේද ...

දහහත් වියේදී  ඔබ විදේශ ගතවුයේ සතුට සොයා නොව සහෝදරයන්ට ඉගැන්වීමට සහ දෙමාපියන්ට සහයක් වීමටය .. ඒ වෙනුවෙන් ඔබ ඔබේ අධ්‍යාපන කටයුතුද අතර මග අතැර දමා විදේශ ගතවුයේ ඔබ වෙනුවෙන් නොව ඔවුන් වෙනුවෙනි  ඔවුන්ට සැපවත් අනාගතයක් වෙනුවෙනි . ඒ වෙනුවෙන් ඔබේ පුංචි සිත කොතරම් සිහින දකින්න ඇතිද ..

ඒ සිහින සැබෑ කරගන්න ඔබ කොයිතරම් දුක් විදින්න ඇතිද . එහෙත් ඒ හැම සිහිනයක්ම දෙමාපියන්ගේ සහෝදරයන්ගේ හැම බලාපොරොත්තුවක්ම බොද කිරීමට තරම ෂරියා නිතිය දරුණු විය..

ඔව් අපි පිළිගනිමු ඔබ වරදක් කලේ නැත. ඔබ සේවය කල සති දෙක තුල  ඔබට පැවරුණු කාර්යය කරගැනීමට ඔබ අපොහොසත් විය . ළමාවියේ පසුවූ ඔබට ළදරුවෙක් බලාගැනීම පහසු කාර්යයක් නොව ..ඔබ වයසේ නොමේරු දරුවෙකුට ළදරුවෙක් බලාගැනීම පහසු නැත..එහෙත් ඔබ ඒ අභියෝගය භාර ගත්තේ ඔබේ දිලුදු කම නිසාවෙනි   වරද ඔබේ නොව ඔබේ දිලිදු කමේය ..

ඔව් අප බලාසිටියෙමු වසර අටක් තුරාවට ඔබ නිදහස් වෙන තුරු ඒ ජාති භේද කුල මල නිසා නොව ඔබ කුමන ජාතියක උවත් මනුෂ්‍යයෙකි ජාති භේදයක් නොමැතිව ඔබ වෙනුවෙන් අප කදුළු සැලුවෙමු . ඔබේ ජාතිය කුමක් උවත් මනුෂ්‍යන් සිටින රටක මනුෂ්‍ය නීතියක් යටතේ ඔබ අනිවාර්යයෙන්ම නිදහස් විය යුතුව තිබුනි..

එසේනම් ඔබ අද ඔබේ මාපියන් සහෝදරයන් අතරය. එහෙත් ඔබට දඩුවම් කලේ ඔබේම නීතියයි.. ඔබ නොදැනුවත් කමින් කල වරදට ඔබේ ගෙල සිදින තුරු සමාවක් නොදීමට තරම් ඔබේ දෙවියන්ගේ නිතිය දරුණු වුයේ මන්ද...

ඔබ වෙනුවෙන් වඩාත් කම්පා වුයේ ඔබේ ජාතියටත් වඩා අන්‍යජාතින් බව කිවයුතු නොවේ .

සරියා නීතියට අනුව ගත් තීරණයට විරෝධය  පෑම තම ආගමට කරන නිගාවක් ලෙස සලකා ඔබේම ජාතින් නිහඩ වන විට අන්‍යජාතින් ඔබේ ජීවිතය බේරා ගැනීමට උත්සහ කලේ .. අප සැවොම මනුෂ්‍ය ජාතියේ නිසයි එකම රුධිරය නිසයි . ඔබේ ජාතින් හිස් මුදුනින් පිළිගන්නා ආගමික නිතියේ මනුෂ්‍යත්වයක් නොමැතිබව දුටු නිසයි..

රිසානා ඔබට සුව නින්දක් .. මතු උපදින ආත්මයේදී ඔබට මෙවන් අකල් මරණයක් නොවේවා !!!  පර්දාවකින් සැගව සිටින ජාතියක  නැවත ඔබ නොඉපදේවායි පතමි !!!!



08 January 2013

පොලිස් නිළදාරියෙකුට දුන්නු දවස :D...




කාලෙකට පස්සේ  අතීත කතාවක් ලියලා දාන්න හිතුවා .. සිදුවීම වෙලා වසර ගණනාවක් උනත් තාමත් මතක් වෙද්දී  හිනහා යන සිදුවීමක් නිසා ඔන්න ඔහේ ලියලා දානවා ..

මේකටත් සම්භන්ද පොලිස් උන්දෑ කෙනෙක් .   මේ කාලේ වෙනකොට ලංකාවේ පාරේ මීටර් සීයෙන් සියට වගේ ග්‍රාම ආරක්ෂකයෝ තුවක්කු තියාගෙන හිටියා ඒ තරමටම ලංකාවේ ආරක්ෂක ප්‍රශ්න තිබුනනේ දැන්නම් ගොඩ දෙනෙක්ට ඒවා අමතකයි .. මෙන්න එහෙනම් කතාව ,

මීගමුවට ලග ගමක හිටි මිතුරෙකුගේ ආරාධනයෙන් මට එහි යෑමට සිදුවිය බොහෝ වෙලාවක් සතුටු සමිච්චියේ යෙදීමෙන් පසුව ඔහුත් සමග ලගම ඇති  වෙළද සංකීර්ණය වෙත යෑමට සිදු විය ..


 ඒ සදහා ප්‍රධාන පාරට අවතීර්ණවී මීටර දෙසීයක් යෑමට ලැබුනේ නැත .  පාර හරහා පැන්න  ග්‍රාම ආරක්ෂකයෙක් අප නතර කළේය .


 ඒ සදහා ඔහු නැවැත්වීම් පුවරුවක් හෝ හස්ත සංඥවක්  බාවිතා කලේ නැත ඒ සදහා බාවිතා කලේ කටය .. “ එයි නවත්තනවා ..නවත්වනවා ..” යැයි මහා හඩින් ඔහු මොරදෙන විට  මා මිතුරා එකවරම තිරිංග පාගා මෝටර් බයිසිකලය නැවැත්වීමට තරම් හපනෙක් විය...

ග්‍රාම ආරක්ෂකයා ජයග්‍රාහී ලීලාවෙන් අපදෙස බලා සිටි .

ග්‍රාම ආරක්ෂකයෙක්ට මෙලෙස අප නතර කිරීමට උවමනාවක් නැත.. සමහර විට ඔහුට අප ත්‍රස්තයන් ලෙස පෙනුනා විය හැක ..එහෙමත් නැතිනම් අපේ සුන්දර අහිංසක මුහුණු වලින් ඔහු සැක සහිත මැරයෙක් දුටුවා විය හැක ඒ වැනි දාහක් ප්‍රශ්න  සිත තුල තෙරපෙද්දී  මිතුරා සමග මා හැදුනුම්පත් ද රැගෙන ඔහු සිටි දෙසට ගාටන්නට විය ..

දුටුවේ එවිටය .. ග්‍රාම ආරක්ෂකයා ගෝලයෙකු පමණි ලොක්කා පැත්තක සිටි .. ඔහු ග්‍රාමආරක්ෂක ලොක්කෙකු නොව පොලිස් නිළදාරියෙකි.. (කොස්තාපල් වරයෙක් 

ඔහු දුටු විටම මට සිහිවුයේ කලක් සිංහල සිනමාවේ පෙරළිකාර රංගනයක් කල ජනප්‍රිය නළුවෙකි.. මොහු සියයට සියයක් ඔහුට සාමන නොවුවත් සියයට අසුවක්වත් ඒ පෙනුමට සමානය . ඒම නළුවාද බොහෝවිට රගපෑවේ පොලිස් චරිතය.. ඔහු අන් කවරෙකුවත් නොව ප්‍රේඩි සිල්වාගේ පුත්‍ර රත්නයවූ නළුවය.. මෙම පොලිස් නිලදාරියාගේ පෙනුම එයිට සමානය ..

අප ඔහු ඉදිරියට ගොස් හැදුනුම් පත් දිගු කළෙමු ..

“මේ මොනවාද ....

“ජාතික හැදුනුම්පත රාළහාමි...

“මේවා වැඩක් නැහැ ඔහෙලා දන්නවද කරලා තියෙන වරදේ බරපතල කම ... “   ඔහු බැරෑරුම් මුහුනක් මවාගෙන ඇත ..

මා දැනුවත්වනම් වරදක් නැත. ලගදි මේ අවට බෝම්බයක් අටවා රාජ්‍ය නිලධාරින් ඝාතනය කිරීමට සැලසුම් කල සිදුවීමක් රූපවාහිනියෙන් දුටුවා මතකය ... මොහු එයට අප සැක කරනවා වත්ද ..

“පෙර වැරදිනම් මුකුත් නැහැ රාළහාමි ...

“ගිහින් බලනවා බයිසිකලේ පිටිපස්සේ මොනවාද නැත්තේ කියලා ....

මා ගොස් මිතුරාගේ මෝටර් බයිසිකලයේ පිටුපස  පරික්ෂා කලෙමි .. පිටුපස ලයිට් සියල්ලමත් ඇත .. ටයරයද ඔබා බැලීමි හුලන්ද ඇත...

“ඔක්කොම තියෙනවා රාළහාමි මුකුත් අඩු නැහැ ...

“කෝ ඔයි එතකොට මේකේ නම්බර් ප්ලේට් ....

හත් දෙය්යනේ මේකේ නම්බර් ප්ලේට් නැහැ නේන්නම් .. මා මිතුරා දෙස බැලුවෙමි . ඔහු බයාදු ලෙස සිනහසෙයි ..

“කෝ යකෝ උබේ බයිසිකලේ නම්බර් ප්ලේට් “ මම මිතුරාගෙන් සංවරව ඇසුවෙමි..

“මේක අය්යා ගත්තේ ගිය සුමානේ යකෝ .තාම රෙජිස්ටර් කරලා නැහැ “

බයිසිකලය රෙජිස්ටර් කර නැත , අදායම් බලපත්‍ර නැත, ඉන්ෂුවරන්ස් නැත .. නොදැන උවත් අප කර ඇති වරද සුළු පටු නොවේ ..

දැන් අප නිතිය ඉදිරියේ වරද කරුවෝය .. නීති ගරුක නිලදාරිය මහා පවුරක් සේ අප ඉදිරියේ බලාසිටි එයින් පැනයා නොහැක . එහෙත් අප උත්සහ කල යුතුය .

“දැන් මොකක්ද රාළහාමි මේකට කරන්නේ “

“මේවට දඩ කොළ නැහැ කෙලින්ම උසාවි බයිසිකලේ දෙන්නෙත් එයිට පස්සේ “

“එහෙම කරන්න එපා රාළහාමි ... මා කීවෙමි

“එහෙනම් කොහොමද කරන්න ඕනේ ...

“අපි රාළහාමිට මොනවා හරි කරන්නම් රාළහාමි ... මා මිතුරා රාළහාමිට ලංවී ඇසුවේය...

“මොකක් කිව්වා ..මට කරන්න . උබලා දෙන්නා  මට මොකක් කරන්නද @#**#@%.... ඈ

රාළහාමිට නැග ඇත .. සමාවන්න යකා නැග ඇත .. එහෙමත් නැත්නම් මල පැන ඇත ... සමහර විට මිතුරා පැවසූ වදන් ඔහු වැරදියට තේරුම් ගන්නට ඇත .. මේ කාලයේ සෑම තැනම සබ්ජෙට් කාරයෝ ඉන්නා බැවින් ඔහුගේ බියවීම සාධාරණය ..

“නැහැ රාළහාමි අපි කිව්වේ එහෙම දෙයක් ගැන නෙමේ .. මා මිතුරා හස්ත මුද්‍රාවෙන් මහපොට ඇගිල්ල සහ දබරැගිල්ල එකට අතුල්ලා පෙන්වයි . ඔහු එලෙස සංඥ කර කියා සිටින්නේ පගාවක් දිය හැකි බවයි .. එම සංඥ භාෂාව අපට වඩා හොදින් පොලිස් නිළදාරින් දනී ..

“ආන්න එහෙම තේරෙන භාෂාවෙන් කියනවලකෝ ..අරවා මේවා කරන්නම් කියන්නේ නැතුව වැදගත් විදියට ... ”

මද සිනාවක් පෑ නිලදාරියා ග්‍රාම ආරක්ෂකයා සමග මදක් එපිටට ගොස් සාකච්චා කර නැවත හැරුණි .. දැන් පෙර සේ  වස පාටක් නැත මුහුණේ ඇත්තේ සුකුමාල සුන්දර සිනහවකි .

“ මේවා උසාවි ලැගල කරගන්න ගියොත් හත් අට දාහකට වැඩිය යන වැඩක්.. මොකද කරන්නේ දැන් මෙතන අපි දෙන්නෙක්ම ඉන්නවනේ .. ඕගොල්ලෝ දෙන්නෙකුත් ඉන්නවා  ඒ ගානට වඩා ටිකක් අඩුවෙන් බලමු .. එහෙම හොදා නේද “

නිලදාරියා සහ ග්‍රාමයා බලන්නේ අවස්ථාවෙන් ප්‍රයෝජනය ගැනීමටය ..

“අනික උසාවි ගානේ රස්තියාදු නොවෙන එකත් ඔයාලට අපි කරන ලොකු උදව්වක්නේ “..ඒ ග්‍රාම ආරක්ෂකයාය

එන පොට හොද නැත නිලධාරීන් දෙදෙනා හදන්නේ අප දෙදෙනාගේ රදනක පුරස්චාර්වක දන්ත ධාතුන් මුලින්ම අල්ලා ගැලවීමටය .. එයට ඉඩ දිය නොහැක මම අන්තිම තුරුම්පුව ගැසුවෙමි..

“රාළහාමි අදුනනවද හලාවත පොලිසියේ ඉන්න  රණසිංහ මහත්තයාව ..

“ම්ම්ම් ඔය කියන්නේ ප්‍රියන්ත රණසිංහ මහත්තයා ගැනද ...?

“ඔව් ඔව් ඒ අපේ අය්යනේ ... අය්යා කිව්වේ මාමගේ පුතා ..

“ රණසිංහ මහත්තයා කියන්නේ අපේ ලොකු මහත්තයෙක්නේ මල්ලි ඇයි කලින් නොකීවේ ....”

රණසිංහ කියලා හලාවත පොලිසියේ කෙනෙක් ගමේ ඇත .. එහෙත් ඔහුගේ නිලයවත් ඔහුවවත් මා අදුනන්නේ නැත . මෙය එල්ලයක් නොමැතිව විද්ද හියකි එහෙත් හරි තැනටම වැදී ඇති ලකුණු පැහැදිලිවම පෙනෙන්නට ඇත

“අපේ අතේ වැරද්දනේ අය්යේ කොහොමද ඉතින් අය්යලාගේ නම් කියන්නේ .. මා කීවෙමි,

දැන් ඔහු රාළහාමි නොව අය්යා ය  මම මල්ලිය..  අවස්ථානුකුලව මම කටින් පිට කරන වචන බලවත්වන අවස්ථාද ඇත .. දැන් රාළහාමිගෙන් ගැටළුවක් නැත එහෙත් ග්‍රාම අරක්ෂකගේ මුහුණ හොද නැත අය්යෝ සල්ලි (පගාව ) යැයි ඔහුට සිතෙන්නට ඇත..

“එහෙම මෙයාලට යන්න දෙන්න එපා රාළහාමි .. අය්යා පොලිසියේ උනාට මෙයාලා කරලා තියෙන වැඩේ වැරදිනේ ... “ ග්‍රාම ආරක්ෂකයා පැත්තක සිට කෑගසයි.

“එහෙම කරන්නේ කොහොමද මනුස්සයෝ අපේ ලොකු මහත්තයෙක්ගේ මල්ලි කෙනෙක්ට “ ඒවර ග්‍රාමයා සහ රාළහාමි අතර උණුසුම් වචන හුවමාරුවක් ඇතිවෙන්නට විය..

වැඩි වෙලාවක් මෙතන රැදෙන එක නුවණට හුරු නැත.. අපේ බොරුව අසුවුනොත් ඉවරය... අපි රාළහාමිට පැත්තකට අඩගැසුවෙමු..

“එහෙනම් අපි යන්නම් රාළහාමි ..අරයට මොකද තරහා ගිහින් ඉන්නේ .”

“ ඔන්න ඔය මනුස්සයට තේ එකක් බොන්න කියක් හරි දීලා යන්න මල්ලි ..මටනම් සත පහක් එපා. රණසිංහ මහත්තයාගේ මල්ලිගෙන් කොහොමද මම සල්ලි ගන්නේ ...”

මම ග්‍රාමයාට සියයේ කොළ දෙකක්  දිගු කලෙමි ....

“ඒපා ..ඒපා .. ග්‍රාම ආරක්ෂක ඇබරෙන්නට විය ..

“ඇයි සල්ලි එපාද ..

“නෑ..නෑ .. ඔහොම දෙන්න එපා . අර බලන්න අතන හෝල්ට් එකේ කෙල්ලෝ වගයකුත් බලාගෙන ඉන්නවා ..”

අප දැක්කේ එවිටය බස් හෝල්ට් එකේ පංති යන කෙල්ලෝ රංචුවක් අපගේ ජවනිකාව නරබමින් සිටි...

“ඔහොම ඉන්නකෝ ටිකක්” .. ග්‍රාම ආරක්ෂක දිව ගොස් ෆයිල් කවරයක් රැගෙන විත් මා අත තබයි...

“කාටවත් නොපෙනෙන්න ඕක ඇතුලට දාලා මට දෙන්න .. කවුරුත් දැක්කොත් හොද නැහැනේ ..”

සියල්ල හොද විදියට සිදුවිය දැන් ග්‍රාම අරක්ෂකත් ෂේප්ය ..

“එහෙනම් රාළහාමි අය්යේ අපි දැන් ගිහින් එන්නම් “

“හොදයි මල්ලිලා පරිස්සමින් යන්න ..  රණසිංහ මහත්තයාට කියන්නකෝ අහවල් පොලිසියේ බණ්ඩාර රාළහාමි උදව්වක් කළා කියලා ..”

සියල්ල සතුටින් විසදුනේ එලෙසෙනි .. උසස් නිළදාරියෙකුගේ සහෝදරයෙකුට උපකාරයක් කල සතුට බණ්ඩාර රාළහාමිට ඇත .. නිකන්ම ඉන්න එකේ අතට කියක් හරි ලැබ්මේ සතුට ග්‍රාම ආරක්ෂකට ඇත .. එහෙත් අප දන්නා රණසිංහ මහත්තයෙක් නම් නැත...



තවත් පොලිස් කථාවක් මෙතැනින්...

You might also like:

Related Posts Plugin for WordPress, Blogger...